პროექტის სახელი:’’ზღაპარ იყო…ზღაპარ იყო...’
რა არის ზღაპარი ფანტაზია თუ აუხდენელი ნატვრა?
პროექტის მოკლე აღწერა:პროექტი ითვალისწინებს ქართული ხალხური ზღაპრების, ლეგენდებისა და თქმულებების მოძიებას, შეგროვებას და გაცნობას.პროექტის ფარგლებში გამოცხადდება კონკურსი თემაზე:“საყვარელი ზღაპრის ილუსტრაცია“
პროექტის სრული აღწერა:პროექტზე მუშაობისას მოსწავლეები დაიყოფა ჯგუფებად.ყოველ ჯგუფში მოხდება ინტეგრირება სხვადასხვა კლასების მოსწავლეების.(ისინი გაერთიანდებიან სურვილის და ინტერესის სფეროების მიხედვით)
I ჯგუფი: მოიძიებს მასალებს ინტერნეტით ზღაპრის რაობის, წარმომავლობისა და გავრცელების შესახებ.
II ჯგუფი: მოიძიებს და შეაგროვებს ქართული (და არა მარტო) ხალხური ზეპირსიტყვიერების ნიმუშებს ქ.ფოთში. ამ მიზნით მოინახულებენ უხუცეს ბებიებსა და ბაბუებს.
III ჯგუფი: შეაგროვებს ფოლკლორის ნიმუშებს საქართველოს სხვადასხვა კუთხეში, ქალაქსა თუ სოფელში. შეაგროვებენ შესაბამის ვიდეო–ფოტო მასალას.
IV ჯგუფი: მოიძიებს ლიტერატურულ ზღაპრებს და შეაგროვებენ ფოტო და ვიდეო მასალებს მათი ავტორების ცხოვრებისა და შემოქმედების შესახებ.
V ჯგუფი: მოიძიებს სხვადასხვა ეროვნებისა და კულტურის ხალხთა ზღაპებს.
VI ჯგუფი: ინტერნეტის საშუალებით შეაგროვებს ამა თუ იმ მხატვრის მიერ შესრულებულ ზღაპრის ილუსტრაციებს და მოამზადებს შესაბამის სლაიდშოუს.
VII ჯგუფი: ორგანიზებას გაუწევს სკოლის გამოფენას და შეაგროვებს მოსწავლეთა ნამუშევრებს. სხვადასხვა ნომინაციაში გამარჯვებულებს გამოავლენს მოსწავლეებით დაკომპლექტებული ჟიური. ისინი დაჯილდოვდებიან სიგელებით.
VIII ჯგუფი:მინი სპექტაკლებში გააკეთებენ საყვარელი ზღაპრების ინსცენირებას.
IX ჯგუფი: შეკრებს თითოეულის ჯგუფის მიერ მოწოდებულ აუდიო, ვიდეო, ფოტო და ტექსტურ მასალას და შექმნის ალბომს. ასევე იმუშავებს ამ ბუკლეტის ელექტრონულ ვერსიაზე.
პროექტის დასრულების შემდეგ მოხდება მოძიებული მასალის შეჯამება და პრეზენტაცია.
მონაწილეთა ასაკი: 7 წლიდან 11 წლამდე. I–VIკლასები
ვადები/ხანგრძლივობა:ერთი წელი /2010–2011წლები/
პროექტის შესაძლო აქტივობები კლასში: წინასწარ მოძიებული ზღაპრების კლასში წაკითხვა და გარჩევა–ანალიზი. ზღაპრების წარმოდგენა როლური თამაშებით.
მოსალოდნელი შედეგები/პროდუქტები,რაც შეიძლება შეიქმნას:ქართული ფოლკლორის უკეთ გაცნობა, გათავისება, უფრო მეტად შეყვარება, არ დავიწყება და მომავალი თაობებისთვის გადაცემა. ასევე შეგროვდეს XX–XI საუკუნეების ქართული ფოლკლორული ნიმუშები.ხალხის წიაღიდან მოსული თანამედროვე მეზღაპრეების გაცნობა. ქართული ხალხური ზღაპრების შედარება მსოფლიოს ხალხთა ზღაპრებთან და არსებული ანალოგიების პოვნა.
შეიქმნას ფოტო და ვიდეო მასალა, რომელიც ასახავს პროექტზე მუშაობის პროცესს.
სარგებელი სხვებისთვის:შევახსენოთ თანატოლებს და არა მარტო მათ, ვისი გორისანი ვართ....საიდან მოვივართ...ანუ არდავიწყება იმისა, რომ მუხა ფესვებით არის ძლიერი.უნდა შევისწავლოთ ჩვენი განძი ზედმიწევნით კარგად, რათა დავაფასოთ, გავუფრთხილდეთ მდიდარ მემკვიდრეობას და მომავალ თაობას გადავცეთ სასოებითა და რუდუნებით.
სამუშაო ენა: ქართული
საგნებთან/საგნობრივ ჯგუფებთან/ეროვნულ სასწავლო გეგმასთან კავშირი: ქართული ენა, ხელოვნება, ისტორია
პროექტის ვებ–გვერდი/ბლოგი: Mirandapirtskhalava.blogspot.com